Transporte Locomotora Krupp

Transporte nun camión da empresa "Titán" dunha locomotora Krupp para o tren da mina de carbón da Calvo Sotelo. Esta locomotora foi empregada para o transporte de lignito pardo entre os anos 1960 e 1974.

Dependendo da época, ENCASO ou ENDESA, utilizaron distintos tipos de maquinaria. Por exemplo, nun principio, para o transporte de materiais da mina, Calvo Sotelo optou por utilizar un tren, e en 1955, é cando empezan a utilizarse as rotopalas, sendo as primeiras máquinas deste tipo empregadas no país para a extracción de lignito.

En 1976, coa chegada de ENDESA e a súa explotación, continuouse co modelo extractivo de ENCASO. Con todo, optaron por substituír o ferrocarril pola construción dunhas cintas para o transporte do carbón e o material estéril. Estas cintas ían desde a mina ata a Central Térmica e tamén á entulleira (escombreira). Foi a cinta maior montada no país, alcanzando en total 65 quilómetros en total.

Concello das Pontes