Arcada na Vila

A foto foi tomada na Rúa Real e probablemente se fixera polo día do Carme no barrio da Vila, tamén coñecido como o Muelle. Daquela, engalanábanse as rúas con bandeiras e follas de loureiro e, tal e como se aprecia na imaxe, na arcada podíase ler a seguinte frase: "Los del muelle a su patrona".

As festas do Carmen teñen lugar cada 16 de xullo dende o ano 1741, sendo o único municipio interior de Galicia que honra coas súas festas a esta virxe.

Naquela época, para celebrar o Carme facíase unha procesión e despois as festas no Campo da Feira, onde non había nada, nin mercado, nin casas baratas, nin por suposto o Concello, era un campo.
Engalanábanse as rúas con bandeiras e follas de loureiro. Daquela había máis ánimo para as festas, porque non había tantas como agora e reuníanse as familias que facía tempo que non se vían.

Concello das Pontes