Voda de Luis de Ameneiro

Na foto aparece Antonio do Avenida na voda de Luis de Ameneiro. A voda sería nos anos 60 ou 70. O home que está de pé na esquerda era Toñito de Fresco, parente dos noivos. As fotos da voda probablemente foron tomadas por Vila.

Segundo a "Memoria do traballo, o comercio e a industria en As Pontes": O Avenida, propiedade de Antonio Blanco Piñeiro e de Remedios Bellas, foi nun principio bar, pero posteriormente aumentou as súas instalacións, comezou por construír unha terraza ó aire libre que se abría no verán e anos despois un gran salón de baile, no que se celebraran bailes todas as fins de semana. A televisión deste establecemento foi a única en As Pontes durante uns anos. Tamén organizaban diferentes convites, incluso vodas. Antonio e Remedios tamén rexentaron durante uns anos o Lar da Calvo Sotelo.

Concello das Pontes