Transportando o carbón

Na imaxe pode verse como nos primeiros anos da mina empregábanse vagonetas para o transporte do lignito. Na foto vense varios obreiros sacando á man o carbón e nas beiras están dous homes vixiando os traballos, que probablemente fosen xefes ou facultativos da empresa.

Foi coa posta en marcha da central térmica da Calvo Sotelo no 1949, cando as vellas e lentas vagonetas foron sustituidas por un ferrocarril que levaba o carbón directamente ao Complexo industrial.

Segundo a "Memoria do traballo, o comercio e a industria en As Pontes": a central térmica de 32 MW, formada por dous grupos de 16 MW de potencia instalada, sustituiu en 1949 á dinamo movida por unha turbina hidráulica instalada no Muíño de Prieto, que en 1908, dera a primeira luz eléctrica á vila de As Pontes. A central termoeléctrica exportaba a enerxía producida a Ferrol, Peares e Viesgo.

Concello das Pontes