Equipo de fútbol de Saá na tempada 1961/62

Segundo ten publicado Antón Ferreiro: "A vestimenta deste desaparecido equipo era de cor verde e branca a franxas verticais e calzón branco, aínda que ó principio foi de cor verde cunha franxa negra no peito. Primeiro xogaban en herbeiras para despois facer un terreo de xogo no lugar de Saá de Arriba. En ocasións reforzábase con xogadores dos históricos Calvo Sotelo e Endesa.

Os Tritóns de Saá, tamén coñecido como Deportivo Saá, foi un daqueles equipos non federados que existiron no concello de As Pontes alá polas décadas dos anos sesenta e setenta do século pasado, que participaban en encontros amigables, principalmente no verán, nos torneos das diversas festas patronais das parroquias e lugares do concello e dos arredores.

Na década dos anos oitenta participou nunha liga que non tiña un carácter oficial. Este histórico equipo, recordado con nostalxia por moitos afeccionados, desapareceu hai preto duns corenta anos. Pero, os que formaron parte del tomaron a boa iniciativa de reunirse dende hai uns anos nun xantar de confraternidade para lembrar aqueles tempos pasados".

---- Foto cedida por Fernando Franco Meizoso ----

Concello de As Pontes