Transformación de motores gasolina a diesel, Eduardo Barreiros

Prototipo de camión militar todo terreno sen denominación comercial, co que Barreiros gañou un concurso internacional en Portugal no 1957. É o primeiro camión fabricado por Eduardo Barreiros en Galicia Industrial.

Eduardo Barreiros Rodríguez, foi un importante empresario industrial galego desde a década dos corenta ata ben entrados os 90. Marcou un fito na industria pola patente da transformación de motores de gasolina a diésel e pola posterior fabricación de camións e vehículos industriais. Funda en 1954 Barreiros Diésel, S.A en Madrid. Consegue grandes éxitos no campo da fabricación de motores industriais, na de camións, autobuses, tractores, furgonetas, etc.; sen embargo, non acada unha total penetración no mercado de automóbiles turismos, por iso máis tarde se asociaría coa estadounidense Chrysler, fabricando o Simca 1000 e Simca 1200, así como o Dodge Dart.

---Imaxe procedente da colección fotográfica de Europeana---

Axencia Galega de Innovación