UD Carnota, campión Copa da Costa 70-71

Na 70-71, gañan a final da Copa da Costa fronte á Ponteceso SD cunha aliñación case idéntica a dun partido desa competición con Faxo, Antón, Juan Sande, Michelín, Taboada, Quinocho, Roque, Pascual, Dominguiños, Paco e Muxía. Tan só faltaría nomear a Alonso, Emilio e Carliños. O adestrador era Pián (logo tamén do Esteirana). Na final, e no intre de facerlle entrega do trofeo ao campión, a raíña das festas pontecesá (seareira apaixoada e nai do lembrado masaxista Félix Doldán), tirou o trofeo ao céspede ao berro de: “Antes de que levedes a Copa aínda a racho en cachos!!”. Así foi e así o plasmou a prensa. Imaxe do libro Mar de paixón. O fútbol na Costa da Morte de Héctor Pose e Luís Porto. 2013

Mar de Paixón