Inauguración do LAR e das piscinas

Na imaxe pódese ver a bendición-inauguración das instalacións do centro social e cultural LAR e das piscinas. O Lar xa estaba aberto desde 1961, 4 anos antes que os piscinas, pero a inauguración fíxose das dúas instalacións.

O Lar era un centro social de uso exclusivo das familias dos traballadores da Calvo Sotelo (ENCASO), e as súas instalacións incluían: sala de cine, boleira, biblioteca, salas de exposición e de reunión, bar-restaurante e 2 piscinas (para maiores e para nenos).

As instalacións do Lar, pasaron a mans da empresa pública Endesa nos anos 70, e actualmente están abertas a todo o público.

Na foto están Roviralta, o doutor Dopeso, o bispo da diócese Mondoñedo-Ferrol del Caudillo, o sacerdote de Piñeiro e Cabreiros, Don José María (o sacerdote da Calvo Sotelo e da igrexia do Poboado das Veigas, que tamén se inaugurou no 1965), Alarcón, Morer, Don Atilano e Álvaro Méndez. Álvaro Méndez foi director xeral de RRHH da empresa Repsol.

A foto foi tomada por Manolo Vila.

Concello das Pontes