Xan Fraga

Xan Fraga Rodríguez (Carballo, A Coruña, 1958) é o autor do libro "De Arsenio a Arsenio. Vintedous anos de historia deportivista 1951/52 - 1972/73)", publicado pola editorial Phottic. É ademáis de escritor, profesor e historiador, un apaixoado do fútbol e, como di el, dos tres "T": tranvías, trens e trolebuses. Sobre o fútbol xa ten publicados varios libros como "Bergantiños F.C. 75 anos de historia", sobre o clube da súa vila natal ou, máis recentemente, "Luis Suárez. Fútbol de seda"., sobre o único futbolista español que posúe o Balón de Ouro.
Xan Fraga é licenciado en Xeografía e Historia, na especialidade de Historia Contemporánea, pola Universidade Central de Barcelona. Posúe tamén o Diploma en Estudios Avanzados (DEA) en Ciencias Políticas da Universidade Complutense de Madrid. Foi fundador e primeiro presidente da Agrupación Cultural Lumieira de Carballo. Membro da Asociación de Escritores en Lingua Galega (AELG) e do Instituto de Estudios Bergantiñáns. En 1997 foi declarado "Carballés do ano" por acordo unánime das asociacións desta vila galega.

Phottic Editorial